شعر محلی گل آقا (تصنیف حماسی مازندرانی)
شعر محلی گل آقا ( تصنیف حماسی مازندرانی )
سه پنج روزه مِه گِل آقا نِموئه ننه قِروونِ گِل آقا
پلِنگ خسّه ي صحرا نِموئه ننه قِروونِ گِل آقا
سه پنج روزه که غم وارنه ميا جِه ننه قِروونِ گِل آقا
سه پنج روزه که خون وارنه هوا جِه ننه قِروونِ گِل آقا
اَرمونِ اَرمونِ اَرمونِ اَرمونِ گِل آقا
دل بِلاگِردونِ گِل آقا
ننه قِروونِ گِل آقا
هِنيشتِه گِل آقا سنگِر به سنگِر ننه قِروونِ گِل آقا
بِهيته گِل آقا تِفِنگِ موزر ننه قِروونِ گِل آقا
تِرِه بَوتمِه که تفنگ بي وِفائه ننه قِروونِ گِل آقا
عجِل رِه همزِوون جآ آشنائه ننه قِروونِ گِل آقا
اَرمونِ اَرمونِ اَرمونِ اَرمونِ گِل آقا
دل بِلاگِردونِ گِل آقا
ننه قِروونِ گِل آقا
تِرِه بَوتمه که ياغي سر به داره ننه قِروونِ گِل آقا
به مثل ويشه ي بي برگ آ باره ننه قِروونِ گِل آقا
تِرِه بَوتمه که دِنيا وَرف آ وائه ننه قِروونِ گِل آقا
بِلِندِ گِردِنه بيمِ ميائه ننه قِروونِ گِل آقا
اَرمونِ اَرمونِ اَرمونِ اَرمونِ گِل آقا
دل بِلاگِردونِ گِل آقا
ننه قِروونِ گِل آقا
ستاره سَر بَزو شو بَهيه شو ننه قِروونِ گِل آقا
ستاره سو مِه چِش خو نَشونه خو ننه قِروونِ گِل آقا
بِرو ستاره رِه يک يک بَچينيم ننه قِروونِ گِل آقا
که اِفتاب رِه بِلِندِ کو بَوينيم ننه قِروونِ گِل آقا
اَرمونِ اَرمونِ اَرمونِ اَرمونِ گِل آقا
دل بِلاگِردونِ گِل آقا
ننه قِروونِ گِل آقا
